Dərc edilib: 12:04, 3 Aprel, 2017 | 17 dəfə baxılıb

Türkiyədəki diaspor təşkilatının jurnalı işıq üzü görüb

Türkiyədə fəaliyyət göstərən Eskişehir Azərbaycanlılar Dərnəyinin mətbu orqanı – “Üç çizgi” jurnalının ilk sayı çapdan çıxıb. Jurnalının təsisçisi Eskişehir Azərbaycanlılar Dərnəyinin sədri Cavid Aydın, redaktoru Rza Mammadov və mətbuat müdiri Aygün Öztürkdür.

“Üç çizgi” jurnalı Azərbaycan Respublikasının dövlət bayrağındakı Azərbaycan xalqının türk mənşəli olmasını, müasir cəmiyyət qurmaq, demokratiyanı inkişaf etdirmək istəyini və islam sivilizasiyasına mənsubluğunu ifadə edən üç üfüqi zolağın şərəfinə belə adlanır.

Jurnalda oxuculara Azərbaycan, Türkiyə, o cümlədən digər ölkələrdən təqdim olunan elmi məqalələr, reportajlar, tarixi-elmi  araşdırmalar  və qısa hekayələr yer alacaq.

Jurnalda çap olunmaq istəyənlər öz yazıılarını uccizgi@outlook.com elektron poşt ünvanına göndərə bilərlər.

Jurnal Türk dilində 3 ayda 1 dəfə nəşr olunacaq.

Diaspora.az