Dərc edilib: 15:56, 23 İyul, 2017 | 31 dəfə baxılıb

Kikboksçumuz Böyük Britaniyada Azərbaycan bayrağını dalğalandırdı

Diaspora.az musavat.com-a istinadən xəbər verir ki,-aAzərbaycan Kikboksinq Federasiyasının yığma komandasının üzvü, 7 qat Azərbaycan, 3 qat dünya və 2 qat Avropa çempionu, peşəkarlar arasında Avropa çempionu, K-1 Britaniya çempionu Hafiz Baxşəliyev Böyük Britaniyada Avropa kəmərini qazanıb.
İdmançımız dünən Uelsin paytaxtı Kardiff şəhərində peşəkarlararası Avropa çempionu titulu uğrunda ispan idmançısı İsmail Berqamini nakautla məğlub edib.
Hafiz Baxşəliyev açıqlamasında yarışa neçə zaman idi ki,hazırlaşdığını bildirib.
“Bilirsiniz ki, sonuncu dəfə rinqdə 2009-ci ildə döyüşmüşəm. Uzun fasilədən sonra döyüşmək riskli idi. Yenə də özümü hazırlayırdım. Rəqibim gənc olmasına baxmayaraq,təcrübəli və güclü idi. Məni yenidən döyüşməyə həvəsləndirdiyi üçün Azərbaycan Kikboksinq Federasiyasının prezidenti, millət vəkili Adil Əliyevə, yarışda məni dəstəkləyən soydaşlarımıza, Əfqanıstandan olan dostlarıma öz təşəkkürümü bildirirəm”.
Döyüşdə soydaşlarımız da kikboksçumuzu tək qoymayıblar. Xüsusilə,tanınmış boksçumuz Zaur Teymurov kikboksçumuza dəstək üçün orada olub.

Diaspora.az