Dərc edilib: 21:59, 7 May, 2017 | 18 dəfə baxılıb

Azərbaycanlı tələbələr Çində ölkəmizi təbliğ edirlər

Pekin Xarici Dillər Universitetində tələbələrin ənənəvi beynəlxalq mədəniyyət festivalı keçirilib.

Pekində təhsil alan azərbaycanlı tələbələr festivalda fəal iştirak edərək, ölkəmizə aid xüsusi stend hazırlayıblar. Stenddə Azərbaycanın zəngin mədəniyyətinə, tarixinə, müasir inkişafına, turizm imkanlarına dair fotoşəkillər, kitab və jurnallar nümayiş etdirilib. Bundan başqa, Bakıda keçirilən beynəlxalq tədbirlər və idman yarışları barədə əyani vəsaitlər, plakatlar da sərgilənib.

Stendi ziyarət edənlər Azərbaycan mətbəxinin nümunələrinin dadına baxıblar.

Diaspora.az