Dərc edilib: 01:19, 2 Aprel, 2017 | 24 dəfə baxılıb

Əhməd Şahidov Stokholmda erməni hüquq müdafiəçisi Vahe Avetyanla görüşüb

Hüquq müdafiəçiləri Dağlıq Qarabağ münaqişəsi və beynəlxalq hüquq prinsipləri barədə fikir mübadiləsi aparıblar

İsveçdə işgüzar səfərdə olan Azərbaycan Demokratiya və İnsan Haqları İnstitutunun rəhbəri Əhməd Şahidov Stokholm şəhərində tanınmış erməni hüquq müdafiəçisi və ictimai fəal Vahe Avetyanla görüşüb. İlkin tanışlıq məqsədi daşıyan görüş zamanı hüquq müdafiəçiləri Dağlıq Qarabağ münaqişəsi və bundan əziyyət çəkən insanlar barədə fikir mübadiləsi aparıb və beynəlxalq hüquq prinsiplərinə əməl olunmasının vacibliyini vurğulayıblar.

Konfliktin Azərbaycanın ərazi bütövlüyü çərçivəsində həll edilməsinin vacibliyini qeyd edən hüquq müdafiəçiləri regionda sülhə nail olmaq üçün Dağlıq Qarabağ və digər ərazilərin azad edilməsinin və qaçqınların həmin ərazilərə geri qayıtmasının vacib olduğunu bildiriblər.